<?xml version="1.0" encoding="UTF-8"?><song><hymn_number>92</hymn_number>
<title>Morning ƲIT92</title>
<lyrics>[V1]
 Chihowa ak keyu hokma,
 Ʋno ak inli hokʋto
 Sa nusi tuk ʋt, sai okchʋt
 Tani la he keyu hoke.

[V2]
 Ʋba A̱ki pulla hokʋt
 A̱ nukha̱klo fehna hona,
 Sai okcha hosh, tani li kʋt,
 Pit aiokpahanchi lishke.

[V3]
 Nitak himona achukma
 Pihi̱sa li hatuk ocha,
 Chihowa A̱ki pulla ma!
 Im anti̱a li̱ shohbashke.

[V4]
 Aiahni bieka hocha,
 Pit im ilbʋsha li hokʋt
 Auet si apelakbano,
 Ahnit im asilhha lishke.

[V5]
 Nana palʋmmi hokʋno
 Ik si o̱ kancho pulla hosh
 Nuktanla, yukpa biekʋt
 Ik ahanta, ʋm ahnashke.

[V6]
 Nana isht ahanta likma,
 Ik im ʋlhpiesa, ahnit
 Ʋm apihi̱sa pulla na,
 Holitobli li pullashke.

[V7]
 Yʋmoho̱mi bieka ho̱
 A̱yʋt a̱hli li pullashke;
 Mikmʋt ik sʋlli nana kia,
 Ʋlhpiesa mak inlashke.</lyrics>
<time_sig>L.M. (8.8.8.8.)</time_sig>
<aka>Chihowa ak keyu hokma</aka>
<author>Loring S. Williams</author>
</song>